Irailean, glotodidaktika-ikastaroa eskainiko dugu Gasteizko IKA euskaltegian. Astebetez, gure jardunaren oinarri teorikoa landuko dugu, eta beste astebetez euskaltegiko taldeetan praktikak egiteko aukera izango dute parte-hartzaileek.
Alderdi teorikoan, besteak beste, IKAren eta HABEren curriculumak, hizkuntza-irakasleon funtsezko gaitasunak, irakaskuntzaren oinarriak, metodologia, talde-dinamika eta sareko baliabideak landuko dira. Praktikoan, berriz, gure irakasleen laguntzaz, talde errealetan ariko dira, hasieran saioak behatzen, gero jardueraren bat gidatzen, eta, azkenik, saio bat ematen.
Ikastaroan parte hartzeko beharrezkoak: C1/C2 agiria eta unibertsitateko lizentziatura, hiru urteko diplomatura edo gradua.
Amaieran, ikastaroa egin izanaren ziurtagiria emango zaio ikasleari. Agiria jasoko badu, asistentziak % 80koa izan behar du, gutxienez.
INFORMAZIO GEHIAGO:
Noiz: irailaren 11tik 22ra
Ordutegia: 08:30-14:00
Matrikula epea: irailaren 1etik 8ra
Prezioa: 350 €
Kopuru mugatua
Informazioa eta matrikula egiteko: Aratz euskaltegia. Adriano VI.a, 18 Gasteiz
945154341 – aratz@ikaeuskaltegiak.eus
945154793 – didaktika@ikaeuskaltegiak.eus
| Astelehena 11 | Asteartea 12 | Asteazkena 13 | Osteguna 14 | Ostirala 15 |
|---|---|---|---|---|
| TXOKE ESKOLA IKASTAROAREN AURKEZPENA GASTEIZKO IKA | METODOLOGIA Oinarriak | IKAren ECPa eta HABEren HEOCa A1-A2 Helburuak Edukiak Materiala | IKAren ECPa eta HABEren HEOCa B2 Helburuak Edukiak Materiala | IKAren ECPa eta HABEren HEOCa C2 Helburuak Edukiak Materiala |
| HIZKUNTZA- IRAKASLEON FUNTSEZKO GAITASUNAK | TALDE DINAMIKA | IKAren ECPa eta HABEren HEOCa B1 Helburuak Edukiak Materiala | IKAren ECPa eta HABEren HEOCa C1 Helburuak Edukiak Materiala | SAREKO BALIABIDEAK IKASGELA DIGITALA |
| Astelehena 18 | Asteartea 19 | Asteazkena 20 | Osteguna 21 | Ostirala 22 |
|---|---|---|---|---|
| PRAKTIKAK Saio bat behatu Asteko saioak programatu | PRAKTIKAK Saio batean jardueraren bat gidatu Postprogramazioa eta prestaketa | PRAKTIKAK Saio batean jardueraren bat gidatu Postprogramazioa eta prestaketa | PRAKTIKAK 1. saioan lagundu, eta 2. saioa eman | PRAKTIKAK 1. saioa eman IKASTAROAREN BALORAZIOA |