IKA Gasteiz euskaltegia

Albisteak

GEU Elkarteko MINTZA IBILALDIAK

Hilean behin eta igandeetan, mintzalagunek 2 ordutako ibilaldiak egiten dituzte Gasteiz inguruetan.
Azaroaren 29ean, goizeko 10:00etatik 12:00etara, ekingo diote ikasturte berriko lehenengo ibilaldiari. Santa Barbara plaza izango da abiapuntua.
Hemen infoa: geuelkartea.eus
 

EUSKARA PANTAILA HANDIAN berriro martxan dago

EUSKARA PANTAILA HANDIAN berriro martxan dago.
Ostegunean, hilak 19, "80 egunean" proiektatuko da Oihaneder Euskararen etxean, 10:15ean.
Euskara Pantaila Handian egitasmoa Oihanederrek eta Gasteizko hainbat euskaltegik (AEK, Hegoalde, Udaberria eta IKA) elkarlanean antolatzen duten jarduera da.
Honen bitartez euskarazko pelikulak pantaila handian ikusteko aukera luzatzen zaie Gasteizko euskara ikasleei.
Proiekzioen aurretik filmaren unitate didaktikoak lantzen dira klaseetan.

Euskaraldia ostiral honetan hasiko da!

Euskara ulertzen duten hiztunen arteko hizkuntza ohiturak aldatzeko ariketa soziala da Euskaraldia, gizartearen gune guztietara zabaldua eta denborari dagokionez mugatua. Euskaraldiaren helburu nagusia herritarren hizkuntza ohiturak aldatuta euskararen erabilera handitzea da. 2020an, azaroaren 20tik abenduaren 4ra egingo da ariketa eta aurten, norbanako bezala (ahobizi edo belarriprest izanez), parte hartzeko aukeraz gain, taldean parte hartzeko aukera ere izango dugu ariguneen bidez.

Eman izena hemen: https://izenematea.euskaraldia.eus/

 

 

Irakurri +

Mintza ibilaldiak martxan

GEU Elkarteak antolatutako mintza-ibilaldiak martxan daude. Lehena urriaren 25ean izango da, 10:00etatik - 12:00etara; Europa jauregitik abiatuta.

Izena emateko bidali zure izen-abizenak eta telefono zenbakia: info@gasteizkomintzalaguna.eus

Irudia Irakurri +

Euskara-ikasleentzako dirulaguntzak: HABE

EBAZPENA, 2020ko irailaren 16koa, HABEko zuzendariarena, 2020-2021 ikasturtean euskaltegi pribatu eta euskararen autoikaskuntzarako zentro homologatuei zuzendutako dirulaguntzak emateko deialdia egiten duena eta horiek esleitzeko baldintzak eta prozedura arautzen dituena.

Uztailaren 22ko 179/2003 Dekretuak, helduentzako euskararen irakaskuntza burutzen duten euskaltegien eta beste zentro homologatuen jarduera eta horien finantzaketa Euskal Autonomia Erkidegoko Administrazioaren aldetik arautzen duenak, bere 16. oinarrian ezarria dauka HABEk dirulaguntza emango duela, bere aurrekontu-bitartekoen muga barruan, Erregistroan inskribaturik dauden euskaltegi eta euskararen autoikaskuntzarako zentro homologatuak finantzatzeko, helduen euskalduntzegintzan jardunez, HABEk jarritako helburuak lor daitezen, HABEren zuzendari nagusiak ikasturte akademiko bakoitzaren hasieran dirulaguntzen deialdia egingo duelarik.

Ildo horretatik, Kultura eta Hizkuntza Politika Sailak 2018-2020 epealdiko Dirulaguntzen Plan Estrategikoa onartzen duen 2018ko urtarrilaren 31ko Aginduaren bitartez, Hizkuntza Politika alorrean 7. helburu orokor bezala helduen euskalduntzea bultzatzea aurreikusten du, «47130 euskaltegi pribatu eta euskararen autoikaskuntzarako zentro homologatuei zuzendutako dirulaguntzak» kodea duen ekintza-atalean. Plan hori garatzeko, Kultura eta Hizkuntza Politikako sailburuak, 2020ko urtarrilaren 30eko Aginduaren bidez, 2020ko Dirulaguntzen Plan Orokorra onartu zuen, eta deialdi honetan aurreikusitakoak jasotzen dira bertan.

Bidezkoa da, beraz, 2020-2021 ikasturterako dirulaguntzen deialdia egitea eta finantzaketa-moduluak ezartzea, honen bidez euskaltegi pribatu eta euskararen autoikaskuntzarako zentro homologatuei dagozkienak finkatuz.

Horregatik, aipatu xedapenek eta HABEren egitura organikoa ezartzen duen otsailaren 13ko 34/1996 Dekretuak ematen dizkidaten eskumenak baliatuta, eta indarrean dauden azaroaren 11ko 1/1997 Legegintzako Dekretuaren bitartez onartutako Euskadiko Ogasun Nagusiaren Antolarauei buruzko Legearen Testu Bateginak eta Dirulaguntzen Lege Orokorrak (azaroaren 17ko 38/2003 Legeak, aurrerantzean DLO) eta Lege hori garatzen duen uztailaren 21eko 887/2003 Errege Dekretuak onartutako Erregelamenduak ezartzen dutenaren arabera,

Jarraitu irakurtzen... Irakurri +

20-21 ikasturterako matrikulazio kanpaina, abuztuaren 31tik aurrera zabalik

Dagoeneko ikusgai dugu 2020-2021 ikasturteko eskaintza osoa. Aurten, ohiko aurrez aurreko ikastaroez gain, aurrez aurreko telematikoak ere eskainiko ditugu ordutegi eta modulo ezberdinetan.

Aurtengo ikasturteko eskaintzan, nobedade ugari daude. Ohiko ikastaroak topatuko dituzue, non une oro zainduko ditugun Osasun Sailak ezarritako ziurtasun-neurri guztiak; eta, horietaz gain, aurrez aurreko ikastaro telematikoak ere eskaintzen dizkizuegu, ondotxo baitakigu zuetako askok, garai hauetan, etxetik ikasi nahiago duzuela, taldeka ikastearen abantaila guztiak baliatuta. 

Matrikulazio epea abuztuaren 31tik irailaren 18ra zabalduko da.

Eskaintza ikusteko klikatu hemen.

Irakurri +

Euskara ikasteko diru-laguntzen gaineko informazioa argitaratu dute

Argitaratu da 2019-2020 ikasturtean HABEren euskara-mailak edo horien baliokideak gainditu dituzten ikasleei dirulaguntzak emateko prozedura eta baldintzak arautu eta dagokion deialdia egiten duen HABEren zuzendari nagusiaren EBAZPENA. Info guztia: https://www.habe.euskadi.eus/s23-edukiak/eu/contenidos/informacion/ikasleen_dirulaguntzak/eu_def/index.shtml

2020-2021 ikasturteko eskaintza ikusgai

Dagoeneko ikusgai dugu 2020-2021 ikasturteko eskaintza osoa. Aurten, ohiko aurrez aurreko ikastaroez gain, aurrez aurreko telematikoak ere eskainiko ditugu ordutegi eta modulo ezberdinetan.

Datorren ikasturteko eskaintzan, nobedade ugari daude. Ohiko ikastaroak topatuko dituzue, non une oro zainduko ditugun Osasun Sailak ezarritako ziurtasun-neurri guztiak; eta, horietaz gain, aurrez aurreko ikastaro telematikoak ere eskaintzen dizkizuegu, ondotxo baitakigu zuetako askok, garai hauetan, etxetik ikasi nahiago duzuela, taldeka ikastearen abantaila guztiak baliatuta. Espero dugu informazio probetxugarria izatea.

Matrikulazio epea abuztuaren 31tik irailaren 18ra zabalduko da.

Eskaintza ikusteko klikatu hemen. Irakurri +

Aurten IKAko ikaslea izan bazara, deskontua handiak izango dituzu!

Aurten IKAko ikaslea izan bazara, deskontua handiak izango dituzu udako ikastaroetan.

19/20 ikasturtean martxoaren 10etik ekainaren 26ra bitartean IKAko ikastaroren bateko ikasle izan bazara eta denbora-tarte horretan baja eman ez baduzu ikastaroan, deskontua izango duzu udako ikastaroetan:

-Astean 5 edo 6 orduko modulu berezietan ibili bazara, % 25eko deskontua egingo dizugu.

-Egunean 2 edo 3 orduko erritmoan aritu bazara, %50ekoa.

-Eta egunean 5 orduko trinko batean aritu bazara, %75ekoa.

 

*Matrikulazioa epea, maiatzaren 25tik aurrera (online nahiz gure bulegoetan). Irakurri +

Iraileko ikastaroetan matrikulatzeko epea zabalik

Zabalik dago iraileko ikastaroetan matrikulatzeko epea, gure bulegoetan egiteko soilik(945288922). Aurreko urteetan bezala, gure euskaltegietan 5 orduko trinkoak eskainiko ditugu, eta baita 2 orduakoak ere. Aurten, bizi dugun ergoera berezia dela-eta, ez?da barnetegirik egongo, baina nobedade garrantzitsu bat daukagu eskaintzeko; AURREZ AURREKO TELEMATIKOAK, 2 eta 5 ordukoak.

Beti bezala, euskaltegietan ez ezik, matrikula ON LINE ere egin ahalko da; oso aukera ona egoera honetan izan behar ditugun segurtasun neurriak kontuan izanik.?Gainera, 19/20 ikasturtean martxoaren 10etik ekainaren 26ra bitartean IKAko ikastaroren bateko ikasle izan bazara eta denbora-tarte horretan baja eman ez baduzu ikastaroan, deskontua izango duzu udako ikastaroetan.

_Matrikulatu_

Hona hemen? ikastaro guztien gaineko informazioa: Oharrak

Irakurri +

Aurten...AURREZ AURREKO TELEMATIKOAK eskainiko ditugu!

Aurten, lehenengo aldiz, ekainetik aurrera AURREZ AURREKO ikastaro TELEMATIKOAK eskainiko ditugu Gasteizko IKAn, bai udarako, bai urritik aurrerako ere.

Ikastaro horietan, telematikoki bada ere, aurrez aurre emango ditugu ordu guztiak; ikastaro telematikoak, bai, baina euskaltegiko ordutegi berean. Bideo-deien bitartez, aurrez aurre egongo bagina bezala arituko gara. Hau da, euskaltegia etxera eramango dizugu.  

Ordutegi finkoa izango dute eta nor bere mailako ikastaroan ariko da. Bideo-dei bitartez irakasleak zurekin kontaktu zuzena izango du eskolak irauten duen denboran; horrela, modu presentzialean euskaltegian egiten dugun bezala, azalpenak zuzenean eman, zalantzak argitu,  mintzamena praktikatu, eta  eginkizunen eta ariketen zuzenketak  eskola-orduetan egingo ditugu. Zuretzako tutoretzak ere ikastaroaren ordutegiaren barruan txertatuko ditugu.

Aukera izango duzu, euskaltegian izango bazina bezala, ikaskideekin taldetxoka eginkizunak prestatzeko-binaka, hirunaka.-; edota jolas didaktikoak egiteko eta tertuliatxoak egiteko. Eta dena grabaturik geratuko da, errepasatu edo kontsultatu nahi baduzu ere. Beti izango dituzu astean landutako ariketak eta azalpenak eskuragarri.

Hauek HABEk homologatutako ikastaroak dira.

https://www.facebook.com/ikagasteiz/videos/192667491775429/?t=18

Irakurri +

Berrabiatu egin dira euskara-mailak egiaztatzeko prozesuak

Eskara-mailen agiriak eskuratzeko HABEren egiaztatzegintza-prozesuak, COVID-19ak eragindako osasun-larrialdiaren ondorioz behin-behinean atzeratu zirenak, berrabiatu egin ditu HABEk

  • Matrikulatzea
    Azterketa-deialdietan matrikulatzeko epe berriak honako hauek dira:
    • Euskaltegietako ikasleen lehen deialdia (B2, C1 eta C2 mailak): maiatzak 25 – 31
    • Lehen deialdi irekia (C1 maila): maiatzak 18 – 24
    • Euskal Etxeetako ikasleen deialdia (B1, B2 eta C1 mailak): maiatzak 25 – 31
    ADI - Deialdi bakar batean egin daiteke matrikula: euskaltegietako ikasleen deialdian parte hartzen duenak ezin du deialdi irekian ere parte hartu, nahiz eta beste maila batean izan; bestalde, Euskal Etxeetako ikasleentzako deialdian matrikulatzen den azterketariak ere ezin izango du inolako matrikularik egin euskaltegietako ikasleentzako deialdian, ezta deialdi irekian ere.

 

  • Deialdien antolaketa
    Azterketari-kopurua era osasungarrian kudeatzeko eta osasun-agintariek xedatutako jarraibideen baitan, honela antolatuko dira deialdiak:
    • Euskaltegietako ikasleen lehen deialdia (B2, C1 eta C2 mailak): 
       – Idazmen-proba BECen (Barakaldo) egingo dute azterketari guztiek. // Eguna: ekainak 15-18
       – Entzumen-, irakurmen- eta mintzamen-probak konbalidatu egingo dira, euskaltegian egindako ebaluazio-jarduerei balio egiaztatzailea aitortuz.
    • Lehen deialdi irekia (C1 maila):
       – Irakurmen- eta idazmen-probak BECen (Barakaldo) egingo dituzte azterketari guztiek. // Eguna: ekainak 12-13
       – Entzumen- eta mintzamen-probak hiru lurraldeetan deituko dira. // Eguna: uztailak 20-21
    • Euskal Etxeetako ikasleen deialdia (B1, B2 eta C1 mailak):
       – Proba guztiak era telematikoan gauzatuko dira.

 

  • Prebentzio-jarraibideak eta babes-neurriak
    Aurrez aurre gauzatuko diren deialdietan, azterketariek eta antolaketako kideek bete egin beharko dituzte osasun-agintariek zehaztutako prebentzio-jarraibide eta norberaren higienerako neurri hauek:
    • Sintomak: proba egunaren bezperan eta goizean bertan tenperatura hartzea eta arnas-sintomarik izateari erreparatzea. COVID-19arekin bateragarriak diren gaixotasun-sintomak dituztenek galarazita dute aztertokira joatea.
    • Maskara: nork bere maskara eramatea aztertokira.
    • Segurtasun-distantzia: 2 metroko distantzia gordetzea pertsonen artean.
    • Eskuak garbitzea: aztertokian egongo den gel hidroalkoholikoa erabiltzea eskuak garbitzeko.
    • Materiala: nork bere materiala eramatea probak egiteko (erantzun-orrietan, boligrafoa erabili behar da).

 

  • Egutegia
    Proben egutegia eta deialdi bakoitzari dagokion informazio xehea webgune honetako "Egiaztatze-deialdiak" atalean emango da argitara maiatzaren 18an.

 


Ebaluazio jarraituaren hariko egiaztatzegintza


2. garaiko agiriak eskuratzeko prozedura behin-behinean eten zen martxoan. Prozedura horiek berrabiatu eta 3. garaiarekin batera gauzatuko dira orain. Ondorioz, atzeratutako epealdian A1, A2 edo B1 maila euskaltegian egiaztatu duten ikasleen agiriak uztailaren 30ean luzatuko dira.

 

XIV. EUSKARBEL TXAPELKETA

Hitz gurutzatuko SCRABLE joko famatuaren euskal bertsio entretenigarri honetan ikasleek proban jarri ahal dute lexikoan, deklinabidean eta aditzetan ikasitakoa.
XXXI. urteurrena ospatzen ari garenez, aurtengo txapelketan IKAko kanporaketetatik aterako finalistak Gasteizko beste euskaltegietako eta talde euskaltzaleetako ordezkarien kontra lehiatuko dira KUBIK aretoan egingo den FINAL HANDIAN, apirilaren 3an.
FINAL HANDI horretan jokatuko diren partidetatik 3 talde txapeldun aterako dira garaile: bat A mailan, beste bat B mailan, eta beste bat C mailan.
Kanporaketak ere, noski, mailaka antolutako dira, ahal izanez gero, izena eman duten taldeen ordutegiaren eta euskaltegiaren arabera. A mailan, A1 eta A2ko taldeek hartuko dute parte; B mailan, B1 eta B2ko taldeek; eta C mailan, C1 eta C2ko taldeek.
Talde bakoitzeko jokalari-bikote bakar batek jokatuko du, baina beren ikaskideek lagundu ahal izango diete jokaldiak pentsatzen.
Taldeek izena emateko azken eguna: OTSAILAREN 28a, ostirala.
1. kanporaketak: martxoaren 11tik 13ra.
2. kanporaketak (behar izanez gero) martxoaren 25etik 27ra.
Finalak: APIRILAREN 3an, KUBIK aretoan (General Alava Kalea, 5) arratsaldeko 19:00etan.

Irakurri +

Lindy Hop dantza tailerra

IKAren 31. urteurrena dela-eta, Lindy hop ikastaro bat egingo dugu, eta ikasle guztiok gonbidatu nahi zaituztegu.

Bi egunetako ikastaroa da. Saioak otsailaren 27an eta martxoaren 5ean izango dira, Jungle Beat akademiaren lokaletan, Fermin Lasuen 7, behean, 20:00etatik 21:30era. Lindy hop dantza bikoteka egiten da, eta bi rol daude: gidaria (leader) eta jarraitzailea (follower). Hobe duzue izena bikoteka ematea (berdin du zein sexutakoak zareten), bakarka egiten baduzue, rol bat aukeratu beharko zenukete eta bikotekidea esleitu beharko genizueke, norbaitek beste rola betetzeko bikotekiderik gabe apuntatuko balitz.

Prezioa 3€ izango da. Joan nahi duzuenok bidal ezazue mezua hogeitahamaika@gmail.com helbidera, eta handik jasoko duzue ordainketa egiteko informazioa. Izena emateko azken eguna: otsailaren 21a. Anima zaitezte; primeran pasatuko dugu!

Irakurri +

Bihar dok 13, Aitor Bereziartua eta Ander Iriarte

Begi Belarri zikloaren baitan, urte berriarekin batera euskarazko ikus-entzunezko berriak ekarriko dituzte Oihanederrera. Ziklo honetako lehenengoa Ander Iriarte eta Aitor Bereziartuaren Bihar dok 13 dokumentala izango da, eta saio honetara IKA euskaltegietako gure ikasleak batuko dira euskaltegiaren 31. urteurren-ekitaldi sortari ekingo baitio urtarrilean, eta elkarrekin antolatu baitugu emanaldia.

Albiste osoa: oihaneder.eus

Irakurri +

'Araban da, bai, baina...' lehiaketaren bigarren saria

Aurten hogeita hamaikagarren urteurrena ospatuko dugu IKAn eta, hori dela eta, ALEAren irakurle guztiekin partekatu eta guztioi aukera eman nahi izan diogu urtero euskaltegian antolatzen dugun 'Araban da, bai, baina...' lehiaketan parte hartzeko.

Hiru astean behin, Arabako produktuez osatutako kutxa bat zozketatuko da erantzunak asmatzen dituztenen artean eta, horretaz gain, irabazleek Alea taldea osatuko dute abenduaren 19ko Gasteizko euskaltegien arteko finalean.

Bigarren saria Izarrara joan da eta irabazlea Begoña Ganzabal izan da. Arabako produktuez osatutako kutxa bat lortu du.

'Araban da, bai, baina...' lehiaketaren bigarren saria BegoƱa Ganzabalek irabazi du Irakurri +

Euskaraldiaren bigarren edizioa aurkeztu da

Donostiako San Telmo museoan aurkeztu da urtebete barru, 2020ko azaroaren 20an, hasiko den Euskaraldiaren bigarren edizioa. Hainbat erakundetako ordezkariek parte hartu duten ekitaldian, hurrengo Euskaraldiak izango dituen ezaugarri nagusiak aurkeztu dituzte antolatzaile eta sustatzaileek.

Donostian egindako aurkezpenean azaldu da gaurtik aurrera entitateek Euskaraldian inskribatu eta ariketarako martxan jarriko dituzten ariguneen berri eman dezaketela. Izen-emate honekin irekitzen da mota guztietako entitateek Euskaraldiari begira lanketa egiten hasteko aldia. Berri osoa: euskaraldia.eus

Euskaraldia Irakurri +

"Araban da, bai, baina...",ALEAko lehiaketaren lehen irabazlea

ALEA gurekin batera antolatzen ari den "Araban da, bai, baina..." lehiaketaren barnean, lehen hiru galderen irabazlea badugu dagoeneko: Nagore Armentia.
Dakizuenez, hiru astean behin opari bat zozketatu da asmatzen duzuenon artean, eta, horretaz gain, irabazleok Alea taldea osatuko duzue abenduaren 19an egingo dugun Gasteizko euskaltegien arteko finalean.

 

Hona hurrengo galdera-sorta:

-4. lehiaketa

-5. lehiaketa

-6. lehiaketa Irakurri +

Oihaneder Euskararen Etxeak bosgarren urteurrena ospatu du

Oihaneder Euskararen Etxeak bosgarren urteurrena ospatu zuen ostiral arratsaldean, urriaren 25ean, Montehermoso jauregian egindako ekitaldi batean.

Euskarazko aisialdia eta kultura sustatu nahi dituen proiektuak egindako lana goraipatu zen bertan.

Oihaneder Euskararen Etxea 2014ko urriaren 15ean inauguratu zen. Geroztik, 300 jardueratik gora antolatu ditu eta 30.000 pertsona inguru hurbildu dira Montehermoso jauregira programazioaz gozatzera. 

infoa: alea.eus

Irakurri +

"ARABAN DA, BAI, BAINA..." XX. kultur txapelketa

 

Hemen dugu berriro "ARABAN BAI, BAINA..." lehiaketa!!

Aurten hogeita hamaikagarren urteurrena ospatuko dugu IKAn; hori dela eta,era berezi batean antolatu dugu oraingoan. Batetik IKAz aparte Gasteizko gainerako euskaltegiek ere parte hartuko dute euren lehiaketa propioak eginez, eta bestetik ALEA aldizkariak ere zabaldu du partehartze librea bere web gunean. Hortaz, aurten lehiaketa hiri osoan zehar zabalduko da!

Betiko moduan, Arabako txokoak izango dituzue ikergai, hainbat argazkiren bidez.
Ez dugu kanporaketarik egingo. Talde guztiak hasi eta bukatu arte jardungo dira. Puntuak jasoko dituzte erantzun egokien truke, eta punturik gehien bildu dituzten taldeak izango dira finalean.
Galderen erantzunak, lehenengo, webgunean eta sare sozialetan (Facebook IKA Gasteiz eta Twitter@IKA_Gasteiz ) zabalduko ditugu, eta hurrengo egunean, euskaltegietan jarriko ditugu.
Honako hau izango da egutegia:

Girotzea: urriaren 21tik 28ra arte. Erantzunak 29an.

1. galdera sorta: azaroaren 4tik 11ra. Erantzunak 12an.
2. galdera sorta: azaroaren 18tik 25era. Erantzunak 26an.
3. galdera sorta: abenduaren 2tik 9ra. Erantzunak 10ean.
Finala: abenduaren 19an egingo dugu, eta bertan Gasteizko euskaltegi bakoitzeko(AEK, HEGOALDE, UDABERRIA...) nahiz ALEAko talde finalistek parte hartuko dute. Zehaztuko ditugu aurrerago tokia eta ordua.

ANIMATU ETA PARTE HARTU!!!

 

Irakurri +

"Araban da, bai, baina..."

Aurten hogeita hamaikagarren urteurrena ospatuko dugu IKAn; hori dela eta, ALEAren irakurle guztiokin partekatu eta guztioi aukera eman nahi dizuegu urtero euskaltegian antolatzen dugun 'Araban da, bai, baina...' lehiaketan parte hartzeko. Lehiaketa Araban dagoen dorre, haitz, ur-jauzi, eskultura… baten argazkiari buruzko galderari erantzutean datza. Aste honetan, errota hau non dagoen asmatzeko eskatuko dizugu. Erakuts ezazue zer ongi ezagutzen duzuen Araba!

Hiru astean behin opari bat zozketatu dugu asmatzen duzuenon artean, eta, horretaz gain, irabazleok Alea taldea osatuko duzue abenduaren 19an egingo dugun Gasteizko euskaltegien arteko finalean.

 

Irakurri +

IKA euskaltegia · Adriano VI, 18 · 01008 Gasteiz · Tel.: 945 154 341