IKA Gasteiz euskaltegia

Albisteak

Udatik aurrera...AURREZ AURREKO TELEMATIKOAK eskainiko ditugu!

2020/05/12

Aurten, lehenengo aldiz, ekainetik aurrera AURREZ AURREKO ikastaro TELEMATIKOAK eskainiko ditugu Gasteizko IKAn, bai udarako, bai urritik aurrerako ere.

Ikastaro horietan, telematikoki bada ere, aurrez aurre emango ditugu ordu guztiak; ikastaro telematikoak, bai, baina euskaltegiko ordutegi berean. Bideo-deien bitartez, aurrez aurre egongo bagina bezala arituko gara. Hau da, euskaltegia etxera eramango dizugu.  

Ordutegi finkoa izango dute eta nor bere mailako ikastaroan ariko da. Bideo-dei bitartez irakasleak zurekin kontaktu zuzena izango du eskolak irauten duen denboran; horrela, modu presentzialean euskaltegian egiten dugun bezala, azalpenak zuzenean eman, zalantzak argitu,  mintzamena praktikatu, eta  eginkizunen eta ariketen zuzenketak  eskola-orduetan egingo ditugu. Zuretzako tutoretzak ere ikastaroaren ordutegiaren barruan txertatuko ditugu.

Aukera izango duzu, euskaltegian izango bazina bezala, ikaskideekin taldetxoka eginkizunak prestatzeko-binaka, hirunaka.-; edota jolas didaktikoak egiteko eta tertuliatxoak egiteko. Eta dena grabaturik geratuko da, errepasatu edo kontsultatu nahi baduzu ere. Beti izango dituzu astean landutako ariketak eta azalpenak eskuragarri.

Udan, egunean 5  eta 2 orduko ikastaroak eskainiko ditugu.

Hauek HABEk homologatutako ikastaroak dira.

https://www.facebook.com/ikagasteiz/videos/192667491775429/?t=18


Erantzun albiste honi 

Ondorengo eremuak bete. "*" dutenak derrigorrezko kanpoak dira.

Onartzen dut lege oharrean zehaztutakoa

« atzera

IKA euskaltegia · Adriano VI, 18 · 01008 Gasteiz · Tel.: 945 154 341