Zer izango zara, AHOBIZI ala BELARRIPREST? Hona aholku batzuk Euskaraldirako.

"Ahobizi" izango zara Euskaraldian? Hona hemen ekimenean eroso eta arrakastatsu jarduteko aholku batzuk.

Euskaraldian "Belarriprest" izango zara? Hemen dituzu zenbait aholku egun horietarako.

  Irakurri +

Gasteizko Taberna Euskaldunen Sarea

 Bai Euskarari Elkarteak eta Gasteizko Mintzalagunak elkarlanean, GASTEIZKO TABERNA EUSKALDUNEN SAREA osatu dute.

19 tabernek osatzen dute sarea. Astero 700 mintzalagun baino gehiago biltzen dira Gasteizko taberna desberdinetan eta Gasteizko Taberna Euskaldunak dira haientzako leku aproposa. Zerbitzua euskaraz eskaintzeko gaitasuna bermatzen dute, baita euskarazko hizkuntza paisaia ere. Hona hemen zerrenda.

  Irakurri +

HABE: EUSKARA-MAILAK EDO BALIOKIDEAK GAINDITU DITUZTEN IKASLEEI DIRU-LAGUNTZAK

Euskaraldian trebatzen

Euskaraldiaren formakuntzarekin aurrera jarraituz, oraingoan bi proposamenekin gatoz: Ahobiziak eta Belarriprestak trebatzeko formakuntzak, Oihanederren, hain zuzen!

3 orduko saioak dira eta bertan guk izan ditzakegun eta galdetu ahal dizkiguten gauza guztien inguruan trebatuko da. Animatu!

Eman izena hemen: Euskaraldian trebatzen

Mintzalaguna: izena emateko epea zabalik

Mintzalagunean parte hartu nahi?? Atzo zabaldu zen izena emateko epea, abenduaren 21era arte. 

• Iazko mintzalagun taldean jarraitu nahi baduzu >  zuekin harremanetan jarriko dira taldearen egoera ezagutu eta mintzalagun berriak sartzeko aukera dagoen zehazteko.

• MINTZALAGUNEAN berria bazara > Urriaren 1etik aurrera  IZENA EMAN behar duzu on-line galdetegia betez edo GEU elkartearen bulegoan.
  • ORDUTEGIA (aldez aurretik abisatu badaezpada):
    • Goizez > 08:30 – 15:00
  • URTEKO KUOTA >  20€

Izen-emate fitxak jaso bezain laster hasiko dira ikasturte berri honetarako taldeak sortzen. Banan-banan izena eman duzuen guztiekin harremanetan jarriko dira talde proposamena egiteko eta lehenengo bilera adosteko.

Matrikulazio prozesuaren inguruan edozein zalantza baduzue:

• info@gasteizkomintzalaguna.eus helbidera emaila idatzi
• GEU elkarteraen bulegora deitu: 945 22 21 53
• Watxap bidez galdetu: 688 819 118

Irakurri +

Euskaraldia Gasteiz: Izen ematea irekia

Dakigunez, Euskaraldian izena emateko epea zabalik dago hilaren 20tik. Hala ere, nola eman dezakegu izena.

 4 modu daude izena emateko:
1- Oihaneder Euskararen Etxean.

2- Gasteizko Gizarte Etxe guztietan.

Hemen kanta entzungai.

Irakurri +

Euskaraldia: nola eman izena?

Atzo, hilak 20, Euskaraldian izena emateko epea zabaldu zen. Gasteizko Oihaneder euskararen etxean izen-emate kolektibo baten bitartez ekin genion kanpainari, eta dagoeneko jende ugarik eman du izena "Ahobizi" edo "Belarriprest" aritzeko azoaren 23tik abenduaren 3ra(euskararen eguna) iraungo duen ekimen honetan.

Astelehenetik aurrera gizarte etxeetan ere izena eman ahalko da, orria hau bertara eramanez, edo bestela interneten bidez  zuzenean, esteka honetan: http://izenematea.euskaraldia.eus/

Oihaneder Euskararen Etxean informazio puntu bat egongo da egunero(asteburuetan izan ezik) 17:30etik 20:30era, Euskaraldiari bururzko zalantza guztiak argitzeko.

Eta zu, Ahobizi ala Belarriprest izango zara?

Informazio gehiagorako: https://gasteiz.euskaraldia.eus/

Irakurri +

Euskaraldian izena emateko epea zabalik gaurtik aurrera

Gaur, Irailak 20, Euskaraldia: 11 egun euskaraz ariketa sozialean parte hartzeko norbanakoen izen-emate epea ireki da.

Hona izena emateko esteka: http://izenematea.euskaraldia.eus/

Euskaraldiaren irekiera ekitaldia Iruñeko Zentral aretoan (Santo Domingo merkatua, z/g, Iruñea) izango da gaur 18:30ean, non musika eta umore emankizunek josiko duten ekitaldi koloretsu hau, eta Euskaraldia antolatzen ari garen herri eta entitate askotako kideok elkarrekin egoteko tartea izango dugu. 

Gasteizen, berriz, izen-emate ilara erraldoi bat egiteko deia egin da Oihanederren 10:15etik aurrera.

Irakurri +

HABE - Euskara-mailak egiaztatzeko deialdiak

HABE - Euskara-mailak egiaztatzeko deialdiak. Gaur zabaldu dute izena emateko epea!

Informazio gehiago Irakurri +

Euskaraldia: zer, non, nor, noiz eta nola

Hemen dugu Euskaraldia zer den eta nola gauzatuko den azaltzen duen bideoa.

Euskaraldia: zer, non, nor, noiz eta nola. from Euskaraldia on Vimeo. Irakurri +

Lesakako IKA barnetegiko ikasleen irratsaioa

Lesakako IKA barnetegiko ikasleen irratsaioa

Lesakako Matxinbeltzenea barnetegiko euskara ikasleen bisita jaso dugu irratian eta irratsaio berezia eskeini digute.

Irakurri +

Modela, euskaraz dakien itzultzailea

Probatu Modela, euskaraz dakien itzultzaile neuronala!

https://sustatu.eus/1531988707392 Irakurri +

Euskaltegietako ikasleentzako diru-laguntzak. 2018ko deialdia

Argitaratu da HABEren zuzendari nagusiaren 2018ko abuztuaren 28ko EBAZPENA, 2017/2018 ikasturtean HABEren euskara-mailak edo baliokideak gainditu dituzten ikasleei diru-laguntzak emateko prozedura eta baldintzak arautu eta dagokion deialdia egiten duena.

Deialdiaren inguruko informazioa eta xehetasunak, helbide honetan.

2018-2019 ikasturterako euskaltegien matrikulazio kanpaina

Bingen Zupiria Kultura eta Hizkuntza Politikako sailburuak 2018-2019 ikasturterako euskaltegien matrikulazio kanpaina berria aurkeztu du gaur. Azaldu dutenez, Euskadiko Autonomia Erkidegoan dauden 103 euskaltegiek 35.000 ikasle inguru jasoko dituzte, eta hauek inoizko diru-laguntzarik handienak jasoko dituzte matrikula ordaindu ahal izateko. 

Irakurri +

Hizkuntza-eskakizunak

Hizkuntza-eskakizunak egiaztatzeko 2018-2 deialdia irailaren 6an argitaratu zuten. eskaera irailaren 7tik 21era bitartean egin ahal da. 

Informazio guztia: hemen.

AHOBIZI edo BELARRIPREST?

Euskaraldia gero eta gertuago dago, irailaren 20an hasiko da izen ematea. 

Zeu zer izango zara? Oraindik ez duzu erabaki? Ea honek laguntzen dizun!

Matrikulazio kanpaina dantzan!

Irakurri +

2018-2019 ikasturterako matrikulazioa zabalik

Sentitu euskararen kilika!

Irailaren 3tik 21era bitartean matrikulika zaitez.

Irakurri +

IKA barnetegiak

Sentitu udan euskaren kilika! 

Irakurri +

2018-2019 ikasturterako AFAren deskontuak

Arabako Foru Aldundiak 75 eta 240 euro arteko deskontuak eskainiko dizkie euskaltegietako A1, A2, B1 eta B2 mailetako ikasleei. 

Informazio gehiago, hemen. 

Foru Dekretua eta inprimakia

Irakurri +

GLOTODIDAKTIKA Euskara Irakasle Izateko Ikastaroa

Irailean, gurean aritu nahi dutenei zuzendutako glotodidaktika ikastaroa eskainiko dugu, guk bultzatutako metodologia eta izandako ibilbidea azaltzeko. Ikastaro horren bitartez, irakasle berriak lanaren kalitatea eta emaitzak ziurtatuko dituzten gutxieneko konpetentziak bereganatuko ditu. Era berean, euskaltegietan edo irakas-jardueretan lan egiteko ahalik eta mendekotasun gutxien eta segurtasun gehien emango dion prestakuntza jasoko du.

Metodologia

Ikastaroaren programaren ardatza irakaslegaiek egin beharreko lanak izango dira. Lan hauen azken helburua praktiketan garatu beharreko jarduera izango da besteak beste, eta honetarako jarraitu beharreko progresioa.

Amaieran 60 orduko ikastaroan esku-hartu delako agiria emango da. Agiria jasoko bada, asistentziak %80koa izan behar du, gutxienez.

Ikastaroak bi atal izango ditu: teorikoa bata ( bost egun) eta praktikoa bestea (zazpi egun).

Bete beharreko baldintzak

Ikastaroan parte hartzeko ezinbesteko baldintza da 3. mailako agiria, EGA, C1, C2 edo baliokidea eta lizentziatura, gradua, edo hiru urteko diplomatura izatea. Titulazio hori guztia matrikula egitean ekarri behar da euskaltegira; aipatutakoa jaso ezean, ezingo da matrikularik egin.

Programa

Osorik ikusteko klikatu gainean :

Irakurri +

ASTEBURUPASA LESAKAN

ZATOZ GUREKIN ASTEBURUPASA LESAKARA!

Ekainaren 9an eta 10ean izango da. Larunbat goizean Gasteiztik atera eta bazkalordurako, 12ak aldera, Lesakara helduko gara. Bertan, IKAren Matxinbeltzenea aterpetxean hartuko dugu ostatu, eta, igandean, bazkalostean itzuliko gara Gasteizera. Bi egun horietan, euskaraz bizitzeaz gain, mintzamena lantzeko jarduerak egingo ditugu (ahozko azterketen simulazioak, mintzodromoa…) eta txangoren baten bidez ingurua ezagutzeko aukera ere izango dugu. Gasteizko IKAko irakasle batzuk ere gurekin izango dira.

Izena emateko, sartu 70€ honako kontu honetan, eta kontzeptuan barnetegia zure izena adierazi:

 Anima zaitez!

Izena emateko epea: maiatzaren 22tik ekainaren 4ra.

Eman izena bulegoan eta ekarri ordainagiria ekainaren 1a baino lehen!

  Irakurri +

Zatoz barnetegira!

BIKOIZKETA-LEHIAKETA

Irakasleak hainbat eredu jarriko dizkizu, jakin dezazun zeren bila gabiltzan.

Oso erraza da horrelako bideoak egitea eta gure lehiaketan parte hartzea. Gaur egungo teknologiari esker, denon eskura dago muntaketa itxuroso eta barregarriak egitea. Gehienok erabiltzen ditugun telefonoak nahikoak dira prozesu osoa egiteko. Hona hemen azalpena, urratsez urrats:

1. MadLipz aplikazioa deskargatu zure smartphonean. Doakoa da. Aplikazio berri honek 15-20 segundu inguruko bideo (klip) banku zabala eskaintzen du nazioarteko pelikula- nahiz telebistako programa-zati ezagunekin. Aukerak ikusi ahal izateko, pantailaren behealdean dagoen  ikurra sakatu. Pantailaren goiko menua ezker-eskuin mugituz, klip mota ezberdinak aukera daitezke (umorezkoak, erromantikoak, akziozkoak…) Bilatzailea ere badauka ( lupa ikurra duen “search” aukera).
2. Bideoa aukeratu. Ikusi aukeren artean zer bideo egokitzen den ondoen zure ideiara. Pelikula famatu baten eszena bat edo aktore jakin bat bilatu ahal duzu bilatzailean. Zeure bideoak ere igo ahal dituzu aplikaziora goiko menuan eskuineko muturrean dagoen  “import” aukera sakatuz eta, ondoren, zure telefonoko “galeriatik” hartuz. Baina gogoratu bideo laburrak izan behar dutela, 20 segundo ingurukoak.
3. Gidoia pentsatu eta egokitu. Aukeratutako bideoa hainbat aldiz ikusi, jakiteko pertsonaiek noiz eta nola hitz egiten duten, eta horrela egokitu zuen gidoia. Zenbait bideotan bi edo hiru pista grabatzeko aukera dago. Horrek esan nahi du ahots bat, bi edo hiru grabatu ahal direla banan-banan, eta azkenean denak geratzen direla azken muntaketan integraturik. Grabatzeko, telefonoaren pantailan borobil gorria sakatzea nahikoa da. Ikusiko duzue zein erraza den! Mikrofono bat erabiliz gero, hobea da emaitza.
4. Ondo geratu arte, nahi beste aldiz errepikatu ahal da grabazioa. Emaitzarekin gustura geratzen zaretenean, pantailaren goiko aldean, eskuinean, aplikazioaren ikurra   sakatu grabatuta geratzeko.  Ondoren, galdetuko dizuete ea pribatua (zuen erabilerarako bakarrik) ala publikoa (aplikazioan edonorentzat ikusgai) egin nahi duzuen. Gero, “done” (eginda) sakatu ondoren,  bideoa partekatzeko (share) aukera izango duzue sare sozial ezagunetan: Whatsapp, Twitter, Instagram…
5. Lehiaketan parte hartzeko, zuen bideoa IKAren Whatsappera bidali behar duzue 688800713 zenbakira. Bidalketa egitean, ez ahaztu zuen taldea identifikatzea, zentroa, irakaslearen izena eta ordutegia adieraziz.
6. Baldintza bakarra: euskaraz izatea eta IKA eta barnetegia hitzak agertzea. Testua barregarria zein gogoeta-eragilea izan daiteke, euskara ikastearen zailtasunari edo erraztasunari buruzkoa, barnetegian ikastearen abantaila adierazten duena edo beste edozeri buruzkoa.
7. Facebooken (@ikagasteiz) jarriko ditugu bideo guztiak, eta “atsegin dut” gehien jasotzen duena izango da irabazlea.

Anima zaitezte parte hartzera!

• Lehiaketaren oinarriak

  Txapelketan parte hartzen duten guztiek beren-beregi lagatzen dituzte jabetza intelektualari zein irudiari dagozkion eskubide guztiak, eta horiek erabiltzeko baimena ematen dute; beraz, parte-hartzaileek Ardatz Kultur Elkarteari lagatzen dizkiote lehiaketara bidaltzen dituzten bideoen jabetza intelektual eta industrialaren ustiapen-eskubideak, edo/eta irudiari dagozkionak.

  Ardatz Kultur Elkarteak eskubide osoa izango du ezegokitzat jotzen dituen edo txapelketaren oinarriak betetzen ez dituzten bideoak ez argitaratzeko edo ezabatzeko.

   Irakurri +

XVIII. kultur txapelketa #KULTURika18

• Arabako txokoak izango dituzue ikergai, hainbat argazkiren bidez.
• Galdera sortak ostiraletan jasoko dituzue eta erantzunak hurrengo ostiralerako utzi behar dituzue bulegoetan.
• Ez dugu kanporaketarik egingo. Talde guztiak hasi eta bukatu arte  jardungo dira. Puntuak jasoko dituzue erantzun egokien truke, eta punturik gehien bildu dituzten taldeak izango dira finalean.
• Galderen erantzunak, lehenengo, webgunean eta sare sozialetan (Facebook IKA Gasteiz eta Twitter@IKA_Gasteiz ) zabalduko ditugu, eta hurrengo egunean, euskaltegietan jarriko ditugu.
• Saria 8 € ikasleko

Honako hau izango  da egutegia:

• Girotzea: apirilaren 20tik 27ra
• 1. galdera sorta: maiatzaren 4tik 11ra. Erantzunak.
• 2. galdera sorta: maiatzaren 18tik 25era. Erantzunak.
• 3. galdera sorta: ekainaren 1etik 8ra. Erantzunak
• Finala: ekainaren bukaeran egingo dugu. Zehaztuko dugu aurrerago eguna, tokia eta ordua.

Antolatzaileok eskumen osoa dugu beharrezko aldaketak egiteko.

  Irakurri +

2018ko uda - iraila

Hauek dira irailean izango ditugun ikastaroak: 

Barnetegiak:

  Irakurri +

2018ko uda - abuztua

Hauek dira Gasteizko ikastaroak:

Barnetegiak:

  Irakurri +

2018ko uda- uztaila

Gasteizen ditugun ikastaroak:

Barnetegiak:

2018ko uda- ekaina

Aurten ekainean ere uda ikastaroak izango ditugu. Zuk zein aukeratuko duzu?

Irakurri +

XII. Euskarbel txapelketa #KULTURika18

XII. EUSKARBEL TXAPELKETA

4 talde txapeldun izango dira, maila bakoitzeko bana:

• A1 -A2
• B1
• B2
• C1-C2

Kanporaketak mailaka antolatuko dira.

DATAK

Izena emateko azken eguna: Apirilaren 19a,  osteguna.

SARIAK

Maila bakoitzeko talde irabazleak diploma eder bat izango du, eta, horretaz gain, txeke bat nahi duen modu ludiko-gastronomikoan gastatzeko. 

OHARRAK

• Talde bakoitzeko jokalari-bikote bakar batek jokatuko du, baina beren ikaskideek lagundu ahal izango diete jokaldiak pentsatzen.
• Ahal izanez gero, izena eman duten taldeen ordutegiaren eta euskaltegiaren arabera antolatuko ditugu taldeak.
• Hiztegia eta irakasleak erabiltzea, jakina, debekatuta dago.
• Finalaren eguna eta ordua ezin dira inondik ere aldatu.
• Azken partidak hasi baino lehen, askari goxoa izango dugu indarberritzeko.

Anima zaitezte, bada, eta eman izena ikasleen “txokoan” jarri dugun taulan!

Irakurri +

VI. Mintzodromoa #KULTURika18

Nork hartu dezake parte? B1.1eko eta goragoko ikasleek.

Zenbat txanda? Bi txanda. Goizean 08:30ean eta arratsaldean 16:00etan.

Zenbat denborakoak? Ordubete ingurukoak.

• Funtzionamendua:

Txanda bakoitzean 35-40 mahai jarriko ditugu, eta mahai bakoitzean bost lagun eseriko dira. Mahaikideei orri bana emango diegu jorratu behar dituzten hiru gaiekin. Gai bakoitzarekin 15-20 minutuz hizketan jardun eta gero, mahia mugimendua egingo dugu beste gaien inguruan beste solaskide batzuk izan ditzaten. Mahai bakoitzean moderatzailea izango da, eta honek elkarrizketa sustatuko du.

• Izen-ematea: 

Gure euskaltegietako bulegoetan apirilaren 20rako beranduen.

  Irakurri +