Ekainean zehar proposamen ezberdinak dakarzkigu GEU elkarteak ikasturteari amaiera emateko. Beti ere osasun neurriak mantenduz, bisita ezberdinak eta sukaldaritza tailerra proposatzen dizkigute. Aforo murriztua mantentzen da horrelako ekintzetan oraindik, interesa baduzu eman izena lekuak bete baino lehen!
Hilean behin eta igandeetan, mintzalagunek 2 ordutako ibilaldiak egiten dituzte Gasteiz inguruetan. Maiataren 30ean, goizeko 10:00etatik 12:00etara, ekingo diote ibilaldiari. Mendizorrotzako frontoien ondoan izango da abiapuntua.
Oihaneder Euskararen Etxeak, UEUrekin elkarlanean, eta hainbat eragileren eta erakunderen laguntzarekin euskara estandarraren ahoskerarekin eta, oro har, ahozkotasunarekin zerikusia duten bestelako aldagaiekin esperimentatzeko laborategia jarriko du martxan 2021ean.
Ahoskera Laborategian, azentua, intonazioa, euskal doinua, etab. landuko dira.
Euskal Herriko Unibertsitateak argitaratutako liburu hau aurkeztera etorriko dira, urtarrilaren 26an 19:00etan, Gotzon Aurrekoetxea eta Jose Luis Ormaetxea“Txipi” irakaslea. Aurkeztuko duten lana ez da euskalkien inguruko sailkapen bat gehiago. Izan ere, liburu honek errotik aldatzen du euskalkiak eta hizkerak sailkatzeko metodologia.
Metodologia eta prozedura berriak azken bost urteotan garatutako ikerketen bidez landu dira, eta lortu diren emaitzen dibulgazio-lana da aurketzuko duten argitalpen hau.
Hizkuntzalarientzat ez eze euskalkiak maite eta tokian tokiko hizkeren zale den irakurle ororentzat egina da liburua.
Hilean behin eta igandeetan, mintzalagunek 2 ordutako ibilaldiak egiten dituzte Gasteiz inguruetan. Urtarrilaren 31n, goizeko 10:00etatik 12:00etara, ekingo diogu urte berriko lehenengo ibilaldiari. Molinuevo parkeko urmael ondoan izango dute abiapuntua.
Izena emateko bidali zure datuak (izen-abizenak, e-maila eta telefono zenbakia) honako helbide honetara: info@gasteizkomintzalaguna.eusIrakurri +
Hilean behin eta igandeetan, mintzalagunek 2 ordutako ibilaldiak egiten dituzte Gasteiz inguruetan. Abenduaren 27an, goizeko 10:00etatik 12:00etara, ekingo diote ikasturte berriko lehenengo ibilaldiari.Artium Museoan izango dute abiapuntua.
Izena emateko bidali zure datuak (izen-abizenak, e-maila eta telefono zenbakia) honako helbide honetara: info@gasteizkomintzalaguna.eus
GEU elkarteak 'Pyrogenia' ikuskizuna antolatu du Gasteizko Andra Mari Zuriaren enparantzan, Euskararen Nazioarteko Eguna ospatzeko, abenduaren 3an, leku guztiak agortuta daudela. Ospakizuna egun bat lehenago hasiko da, abenduaren 2an, MintzAdromo batekin Oihaneder Euskararen Etxean.
GEU elkartetik astelehen honetan adierazi dutenez, Zirkoloretsua zirku konpainiak eskainiko du 'Pyrogenia', suzko malabar, argi, maskara eta efektu piroteknikoekin betetako ikuskizuna.
Modu honetan, oraindik Euskaraldian murgilduta, Euskararen Nazioarteko Eguna ere ospatu nahi du GEU elkarteak, urteroko hitzordua mantenduz. Gasteizko Euskaraldia, Gasteizko Udala eta Vital Fundazioarekin batera antolatu du elkarteak aurtengo emanaldia. Andra Mari Zuriaren plazan izango da, 18:00etatik 19:00etara.
Kalean egingo den emanaldia izan arren, edukiera kontrolatuko du GEU elkarteak. Horretarako, lurrean laukiak markatuko dira eta lauki bakoitzean sei pertsona gehienez sartu ahal izango dira. Laukien artean distantzia mantentze aldera 30 lauki inguru banatuko dira plazaren goiko erdian.
Izen-ematea GEU elkartearen webgunean burutu behar zen, eta joan den ostiralean itxi behar izan zuten formularioa 24 ordutan baino gutxiagoan lauki guztiak agortu zirelako.
Bestalde, MintzAdromoa ere antolatu du GEU Elkarteak, Oihaneder Euskararen Etxearekin, Gasteizko Euskaraldiarekin eta Gasteizko Udalarekin elkarlanean. Mintzodromoaren helburuak euskal hiztun gehiago ezagutzea eta modu dinamiko eta dibertigarrian euskara praktikatzea dira. Mahaietan banatuta parte hartzaileek emandako gaiei buruz aritu beharko dira denbora tarte zehatz batean. Saioa dinamikoagoa izateko erronka bat, sariak eta zozketak ere egongo dira.
Azaroaren 30ean, Oihaneder Euskararen Etxean, Uxue Alberdik-bertsolari, idazle eta Euskadi Sariaren irabazleak-"Kontrako eztarritik" liburua aurkeztuko du.
Laburbira, hamarkadatik gora ibiltari, euskarazko zinemagintzako pieza freskoak erakutsiz, herriz herri. Eta halaxe jarraitzen du Laburbirak, mugimenduan, gure lurrotan zein Euskal Herritik kanpo, euskarazko zinegintzan sortzen ari denaren dosi txikiak zabalduz. Zinezaleak garenontzat galdu ezinezko hitzordua!
Euskaltzaleen Topaguneak helburu nagusi birekin antolatzen du Laburbira zirkuitu ibiltaria: euskarazko sortzaileen lana ezagutaraztea, euskaraz ekoizten jarraitu dezaten aukera zabalduz. Ikusleei geurean sortutako perla hauez gozaraztea da Laburbiraren beste helburua.
9 film labur 33 herritan
Laburbiraren XVII. edizioa 9 filmekin dator, elkarren oso ezberdinak. Guztira ordubete baino gehiagoko proiekzio bat osatzen dute.
33 herri bisitatuko ditu Laburbirak. Euskal Herria iparraldetik eta hegoaldera zeharkatuko du eta mugetatik haratago ere joango da, Valladolid, Valentzia, Londres eta Paris bisitatuz.
Gasteizen azaroaren 18an egingo duen geldialdian, GEU elkartea, Gasteizko Euskaltegiak(IKA barne) eta Oihaneder Euskararen Etxea izango ditu emanaldiaren arduradun eta antolatzaile.
31ra bitartean izango da zabalik Gasteizko Mintzalagunean izena emateko epea. Ikasturte honetan ONLINE aukera ere bada!
Galdetegia bete ostean, kuota ordaindu eta ordainagiria bidali behar diguzu: Whatsapp-ez: 688 734 941 telefonora
Emailez info@gasteizkomintzalaguna.eus helbidera
Izan ere, taldekatua izateko ezinbestekoa izango da urteko kuota ordainduta izatea.
Egutegia: Hiru egunez luzatuko da 2020ko bigarren deialdia gauzatzea, irailaren 28tik 30era. Maila eta deialdi bakoitzari dagozkion probak egun jakin batzuetan egingo dira:
Deialdi irekia:B1 maila: irailak 29 // B2 maila: irailak 29 // C1 maila (paperean eta HOBE): irailak 28 // C2 maila (paperean eta HOBE): irailak 29
Aztertokiak: baldintza egokiak betetzen dituzten aztertokiak aukeratu dira, azterketari-kopurua era akademikoan eta osasungarrian kudeatzeko:
Araba: Buesa Arena (Gasteiz)
Bizkaia: BEC (Barakaldo)
Gipuzkoa: Kursaal (Donostia)
Ordutegia: azterketari-kopuruaren arabera egokitu dira saioak eta txandak lurralde bakoitzean. Irailaren 23an, HABEren webgunean argitaratuko da azterketari bakoitzari egokitu zaion eguna, ordua eta gela. Informazio hori kontsultatzeko, azterketariak www.habe.euskadi.eus atarian hasi beharko du saioa, norbere erabiltzaile eta pasahitzarekin.
Bertaratze-ziurtagiria: azterketara joan izanaren ziurtagiria nahi duten azterketariek “Bertaratze-ziurtagiria nahi dut” inprimakia bete beharko dute, eta inprimakian adierazitako e-posta helbidean jasoko dute ziurtagiria. Eskaera hori azterketa egin ondoren egin beharko da.
Azterketa-egunaren aurretik
Sintomei erreparatu: ezinbestekoa da norberak, proba-egunaren bezperan eta egunean bertan, tenperatura hartzea eta arnas-sintomarik izateari erreparatzea. COVID-19arekin bateragarriak diren gaixotasun-sintomak dituztenek galarazita dute aztertokira joatea.
COVID-19ak kutsatutako azterketariek, edo sukarra edo sintomak dituztenek, medikuarengana jo eta ziurtagiria eskatu beharko dute azterketara aurkeztu ez izana zuritzeko. HABEk aztertu egingo ditu ezinbesteko eta ezusteko arrazoiengatik jasotzen dituen eskaerak eta ahalbideen arabera deituko du proba egiteko beste egun bat, betiere deialdiaren egutegiaren baitan.
Ondo begiratu proba egiteko eguna, ordua eta gela: HABEren webgunean argitaratuko da azterketari bakoitzari egokitu zaion eguna, ordua eta gelaren izena. Horretarako, azterketariak www.habe.euskadi.eus atarian hasi beharko du saioa, norbere erabiltzaile eta pasahitzarekin.
Musukoa eskuratu: azterketariak berak ekarri beharko du etxetik bere musukoa.
Materiala prestatu: azterketari bakoitzak bere materiala eraman beharko du proba egiteko. Gogoan izan erantzun-orrietan boligrafo urdinez edo beltzez idatzi behar dela.
Prebentzio-neurriak bete: indarrean dauden prebentzio-neurriak errespetatu (musukoa erabili, pertsonen arteko distantzia gorde, eskuen higienea zaindu…).
Aztertokira sartzea
Ate-irekiera:
Probak hasi baino 45 minutu lehenago sartu ahal izango du azterketariak aztertokira. Sarrera egoki eta patxadaz egin ahal izateko, nahikoa da 20 minutu lehenago bertan izatearekin.
Gomendatzen da aztertokiko sarrera nagusira hurbildu bezain laster barrura zuzenean sartzea. Saihestu pilaketak eta alferrikako itxaronaldiak kalean.
Azterketariek pertsonen arteko segurtasun-distantzia gorde beharko dute sartzean.
Azterketariak bakarrik sartu ahal izango dira aztertokira.
Musukoa: aztertokian sartzeko, azterketariak musukoa jantzita eraman beharko du, derrigor.
Aztertoki barruan
Joan-etorriak: aztertokietako igarobideetan, zirkulazioa norabide bakarrekoa izango da.
Eskuen higienea eta segurtasun-distantzia: gelara sartu baino lehen, gel hidroalkoholikoz garbitu beharko dituzte eskuak azterketari guztiek, horretarako propio ezarritako eremuan. Egonean itxarotea egokituz gero, segurtasun-distantzia errespetatu beharko da.
Gelan: azterketa-gelara iristean, jagoleak zehazten duen lekuan jesarri beharko da azterketaria. Azterketarien artean, bermatuta egongo da 1,5 metroko distantzia, gutxienez.
Azterketa egin bitartean
Prebentzio-neurriak: azterketa egin bitartean, derrigorrezkoa da osasun-neurri guztiak errespetatzea (musukoa, pertsonen arteko distantzia).
Materiala: azterketari bakoitzak bere materiala eraman beharko du proba egiteko, eta ezin izango du beste inorekin partekatu. Gogoan izan proba boligrafo urdinez edo beltzez idatzita entregatu behar dela.
Irteera
Azterketa bukatu ahala: azterketa bukatzeko 10 minutu falta diren arte, azterketa amaitu duten azterketariek gelako irteera-ateak erabiliko dituzte gunetik irteteko.
Denbora amaitzear dagoela: azterketa amaitzeko hamar minutu falta direnean, azterketariak ezingo dira euren kasa irten gelatik, eta proba egiteko denbora bukatu arte itxaron beharko dute. Azterketa amaitzean, jagoleek agindu ahala irtengo dira gelatik.
Irteerarako protokoloa: irtetean, azterketariek eskuak garbitu beharko dituzte gel hidroalkoholikoarekin, eta zirkuituak markatutako norabidea errespetatu gelatik eta aztertokitik irteteko.
Prebentzio-neurri gehigarriak
Distantzia: azterketa-geletan bermatuta egongo da 1,5 metroko gutxieneko distantzia azterketarien artean.
Garbiketa: azterketa-txanda bat bukatu eta hurrengoa hasi baino lehen, gela, komun eta igarobide guztiak garbitu eta desinfektatu egingo dira.
Berariazko prestakuntza: antolaketan ariko diren kide guztiei prebentzio-jarraibide zehatzak emango dizkie Eusko Jaurlaritzaren Prebentzio Zerbitzuak.
Matrikulazio epea hilaren 25ean zabalduko da. Beti bezala, euskaltegietan ez ezik, matrikula ON LINE ere egin ahalko da; oso aukera ona egoera honetan izan behar ditugun segurtasun neurriak kontuan izanik.Irakurri +
ALEAk atal berezia sortu du, etxean ere euskaraz bizitzen eta gozatzen jarraitzeko.
Azken egunotan bizi dugun egoera dela eta, Euskararen Agendako hitzordu gehienak bertan behera geratu dira. Baina etxean geratu behar izateak ez du esan nahi euskaraz bizitzeari ere utzi behar diogunik.
Horregatik, ALEAn atal berezia sortu dute, eta etxean euskaraz egiten jarraitzeko hamaika ideia bildu dituzte: musika, literatura, ipuinak, denbora-pasak, ariketa fisikoak... Adin guztientzako eta mota askotako edukia, gure hizkuntza etxeko lau hormetan ere bueltaka ibiltzeko. Gozatu egunotan Euskararen Agenda, baita etxean ere!
Marxoaren 11n, 18:00etan, Oihaneder Euskararen etxean, BEGI BELARRI ikus-entzunezko zikloa: “Izenik gabe/200 X 133”, Jose Luis Zumetari buruzko dokumentala.
IKAn aurten 31 urte beteko ditugu. Hori ospatzeko hainbat ekitaldi antolatuko ditugu zenbait gizarte-eragilerekin elkarlanean. Horietako bat duzue mahai-inguru hau, Oihaneder (Euskararen etxea) eta Sorginenea (Emakumeen etxea) bidelagun hartuta: "Sorginak Diziplinatu beharreko emakumeak, atzo eta egun". Hilaren 20an, 19:00etan, Oihanederreko Ortuño aretoan.
Sorginak, emakume zahar itsusiak, beti lardaskan, lizunkeriei eta aldrebeskeriei emanak, deabruarekin harreman estuan, ukendu eta edabe nazkagarriak prestatzen, arao izugarriak ezpainetan. Horixe, mendeetan zehar saldu zaigun irudia, gure irudimenean finkatu den klixea. Horren adibidea, IKAk berak sortu zenean erabiltzen zuen irudia.
Baina hala izan zen, edo zer dago irudi estereotipatu horren azpian? Azken hamarkadetako ikerketen emaitza oso bestelakoa da. Gauzak oso bestelakoak izan ziren, eta sorginekin hasi zen prozesua ez da oraindik bukatu. Amaia Nausiak 500 urteko doktrinamenduaz hitz egingo digu, Amelia Barquinek gaur egun gizarteak emakumeak diziplinatzeko erabiltzen dituen ageriko eta ez horren ageriko estrategiez eta Maider García de Bikuñak sexu-arloan oraindik ere nagusi diren autoezagutza faltaz eta irudi okerrez.
Eta sorginek hor diraute!!!
Partaideak:
Amaia Nausia Pimoulier: Historian doktorea Nafarroako Unibertsitatean. Entre el luto y la supervivencia: viudas y viudedad en la Navarra Moderna (siglos XVI y XVII) tesiaren egilea. 2012an ¿Vírgenes o putas? 500 años de adoctrinamiento femenino (1512-2012) liburua plazaratu zuen Erein argitaletxearekin. Bere ikerketa gaiak: amatasuna, emakumeen lan mundua iraganean, sorginen ehiza eta, orokorrean, emakumeek Historian zehar pairatu dituzten jazarpen mota ezberdinak. Eusko Ikaskuntzako Proiektu arduraduna eta ohiko kolaboratzailea hainbat hedabidetan.
Amelia Barquín López: Filologian doktorea eta irakaslea HUHEZI fakultatean (Humanitate eta Hezkuntza Zientzien Fakultatean, Mondragon Unibertsitatean). “Kulturarteko Hezkuntza” eta “Hezkuntza eta generoa” materiak irakasten ditu bertan. Ikerketa eta irakaskuntza gaiak honakoak ditu, besteak beste: kulturarteko hezkuntza, ikasle etorkinen hezkuntza trataera, hizkuntzaren erabilpen ez-sexista, hezkuntza eta generoa… Horretaz gain, Kinka bere blogean horrelako eta bestelako gaiak jorratzen ditu.
Maider García de Bikuña Quintana: GasteizkoEMAIZE Sexologia Zentroko sexologoa, Psikologian lizentziatua eta Sexologian espezializatua da. 2002an Emaizen hasi zen lanean. Bere lan eremuen artean Sexuen Heziketa, emakumezkoen ahalduntze tailerrak (prostituzioa, migratzaileak, helduak…), gizarte-eragileen prestakuntza eta komunikabideetan kolaboraborazioak ditu gaur egun, aholkularitzan, amatasun/aitatasun positibo eta gazteekin aisialdian lan handia egin duelarik ere. “Sexualitatean Xirikatuz” (Erein argitaletxea) liburuaren egileetako bat da.
Bideratzailea: Elena Cercadillo Villazan: Sorginenea, zure etxe feminista egitasmoko partaidea. Irakurri +
Otsailaren 28an, 21:00etan, Jimmy Jazz aretoan, kontzertua Gasteizko IKAren eskutik: INOREN ERO NI + PELAX. IKAko ikasleentzat sarrerak 6 euroan, gure bulegoetan salgai.
IKAren 31. urteurrena dela-eta, sagardotegira joango gara. Urtarrilaren 25ean, larunbatean, Trebiñuko Askartza sagardotegian izango dugu bazkaria. Prezioa 40€ izango da, bazkaria eta autobusa barne. Joan nahi duenak bidal dezala mezua hogeitahamaika@gmail.com helbidera, eta handik jasoko du ordainketa egiteko informazioa eta autobusa hartzeko hitzordua. Izena emateko azken eguna: urtarrilaren 20ra.
Begi Belarri zikloaren baitan, urte berriarekin batera euskarazko ikus-entzunezko berriak ekarriko dituzte Oihanederrera. Ziklo honetako lehenengoa Ander Iriarte eta Aitor BereziartuarenBihar dok 13 dokumentala izango da, eta saio honetara Gasteizko IKA euskaltegietako gure ikasleak batuko dira gure 31. urteurren-ekitaldi sortaren barruan, eta elkarrekin antolatu baitugu emanaldia.
Basque Culinary Centerren, abangoardia gastronomikoa ikasten ari diren mundu osoko zenbait ikaslek iraganera bidaiatuko dute, Bihar dok 13 menua sortzeko. Bidaian, 1966ko Euskal Herrira joango dira, eta hortik abiatuta, kulturaren alorrean dena aldatu zuen hamarkada ezagutuko dute.
Bost ekitaldi bereziren bitartez, Gaur, Ez dok amairu eta Euskal sukaldaritza berria mugimenduak ezagutuko ditugu. Ekitaldi horiek barneratu ostean, lidergoak banatu, eta menu gastronomiko bat sortu beharko dute. Dokumentalean, ikasleen begien eta ekitaldien bidez, mugimenduok euskal gizartean zer garrantzi izan zuten ezagutuko dugu. Halaber, nola jarraitu duten sukaldariek ere sortze-prozesua gauzatzen.
Azkenik, sukaldari gazteek egindako “Bihar Dok 13” menua dastatzeko antolatuko den bazkarian, euskal kulturaren aurpegi adierazgarrienak egongo dira, artista eta musika berriekin baturik. Sinbolikoki, belaunaldi batek berriari ateak irekiko dizkio.
Bihar dok 13 dokumentalaren aurretik Mirokutana ekoiztetxeak sustatutako Ander Iriarteren Emarri film laburra emango dugu.
Datorren ostegunean, hilak 19, arratsaldeko 19:00etan Jimmy Jazz aretoan izango da Araban da txapelketaren finala. Finalean 6 talde arituko dira: Gasteizko IKAk bi talde jarriko ditu, AEK-k beste bi, Errioxako IKAk bosgarrena eta Alea aldizkariak azkena. Talde irabazleak 200€ jasoko ditu eta gainerakoek kontsolazio-saritxo bana. Publikoak ere parte hartu ahal izango du finalean, eta hainbat sari eskuratu.
.jpg)
